Почетна - Bebe Sling

За полесно родителство и повесело и посреќно детство ...

Сакаме да се носиме !

 

Добро за бебето, добро и за вас

Бебето сака да биде во ваша прегратка ... тоа е биолошка потреба за непосреден физички контакт која сите бебиња ја имаат. Познатото опкружување како што е топлината на вашето тело, отчукувањето на срцето, дишењето, движењето, сето тоа му помага на бебето полесно да се прилагоди на новиот свет.

Марамите и меките носилки ви помагаат носењето да биде полесно и удобно и да имате слободни раце. Но најмногу му помага на вашето бебе да биде точно таму каде што сака да биде!

Привиено на вашето тело тоа се чувствува сигурно, заштитено и сакано.

 

Кога бебето го носите ...

Тоа плаче помалку

подобро ја регулира телесната температура, дишењето, варењето

вашето движење му ги јакне мускулите и смирува грчевите подобро од било што друго

Спие помирно и подолго, а кога е будно е поспокојно и опуштено, што е добро за неговиот развој

Учи повеќе, бидејќи е во центар на сите случувања - гласови, звуци, движења, опкружување ... кога ќе се замори од сето тоа, едноставно ќе заспие на вашите гради (што има поубаво од тоа?)

 

Спротивно на врежаните мислења, носеното бебе се осамостојува порано и има поголема самодоверба

 

Носете го во добра носилка која обезбедува целосна потпора на бебето и негова правилна положба, а вам удобно носење и за подолг период

Грбчето благо заоблено, ноџињата поставени во т.н. положба на жапче (frog leg position) што е добро за правилен развој на колковите

Ќе бидете задоволни и вие и вашето бебе

Може да шетате, работите, пазарите, готвите, бидете на компјутер, играте со постарото дете

Всушност, заедно може да правите се'

Дискретно и лесно да го надоите своето бебе кај и да сте ... а самата близина овозможува и подобра лактација

Рацете ви се слободни, носењето не е заморно и се разбира, може да се движите секаде !

 

 

Марами и носилки што може да ги најдете во Бебе Слинг

 

Boba Wrap, долга еластична марама за носење уште од првиот ден па до 1,5 година. Посебно мека и пријатна! Обезбедува цврста прегратка и директен контакт.

Носењето е удобно и за подолг период, бидејќи тежината е распоредена преку двете раменици, грбот и половината.

 

Слинг марама со алки Little Frog

Слингот важи за носилка што најбргу се мести и подесува. Тој е универзален и корисен - бебето многу лесно се преместува од една положба во друга - за да го подоите во неа или успиете и потоа да го префрлите во креветче, да работите по дома, пазарите или одите на прошетка. Кога детето проодува, па сака час доле, час во раце ... дури и  поголемо секогаш кога ќе се замори или сака да се погали.

Слингот со алки е најдобро решение за „пократки“ прошетки, кога треба брзо да го наместите бебето.

Може да го користите за носење од новороденче па се‘ додека има потреба, најчесто некаде до 3 години.

Тежината е распоредена дијагонално преку вашиот грб.

 

 

 

 

 

 

Мека ергономска носилка Boba Carrier  4G за носење од новороденче па до 4 години. Обезбедува положба на прегратка!

Се закопчува и подесува спрема телото како ранец. Прерамките и појасниот дел се екстра појачани и овозможуваат удобно носење подолго време и на поголема тежина (до 20 кг). Тежината е распоредена рамномерно преку двете раменици и половината. Положби: напред и позади на грб - детето е секогаш свртено кон вас.

Лесна и компактна, секогаш при рака кога ќе ви затреба!

 

 

 

Сите овие носилки се едноставни и лесни за користење, ергономски исправни и се инспирирани од традиционалните носилки какви што се користеле илјадници години наназад во сите делови од светот.

Денес се’ повеќе родители се враќаат на оваа стара пракса на носење на детето!

 

Една опуштена прошетка во Барселона, кликнете тука

 

 

 

 

 

13/10/2009 12:16